Gobièrnu Ulandes a logra
tuma over VDC di Kòrsou, banko sentral na kaminda
Willemstad.
6 mei 2012
MP Schotte a hasi
su bèst pa purba tapa e realidat den Staten ku Ulanda a tuma over nos servisio
di siguridat. Despues ku Kòrsou a lanta i manehá su propio servisio di
siguridat pa 50 aña, den apénas 18 luna gobièrnu di Schotte a pèrdè derechi, a pèrdè
outonomia pa manehá nos propio servisio di siguridat. Tur esaki pasobra nos tin
un gobièrnu ku no a pasa screening. E show di PM Schotte no a logra tira santu
di wowo di partido PAR. PAR a komprondé deklarashon di PM Schotte klaritu: “ a shutdown VDC’’ esta VDC ta sera anto AIVD di Ulanda ta
hasi loke VDC tabata hasi. Asina leu nos a yega bou di gobièrnu di Schotte esta
ku nos mes no por manehá VDC mas.
Sr. Schotte mes
a bisa den Staten ku e lei di vdc a keda eksistí pero e aparato ta sera. E lei
di VDC ta bisa ku mester tin un VDC ku
tin komo meta pa promové interesnan di Kòrsou pa garantisá demokrasia,
integridat di gobernashon, siguridat interno di Kòrsou i di Reino Ulandes. ( Er is een Veiligheidsdienst Curaçao, die
als doelstelling heeft het bevorderen van de fundamentele belangen van Curaçao
bij het voortbestaan van de democratische rechtsorde, bij de integriteit van
het bestuur, bij de interne veiligheid en andere vitale belangen van Curaçao
en, waar nodig, het Koninkrijk der Nederlanden)
Kermen si e lei a keda eksistí
ku ta bisa tin un servisio di siguridat pero e servisio ta sera anto un otro
servisio mester kumpli ku e lei. Pues ta e AIVD di Ulanda ta kumpli ku e lei.
Un kos PAR ta
kontentu kuné esta ku siguridat di Kòrsou no ta den man mas di Gabinete Schotte
ku su ministernan ku no a pasa screening.
Pueblo di Kòrsou por ta trankil ku e ministernan di gabinete Schotte ku
no a pasa screening nos ta manehá siguridat di Kòrsou mas. Lo no tin mas relashon
ku servisionan mafioso di Colombia; lo tin bista riba relashonnan di mafia
Italiano. Pasobra siguridat di Ulanda ta na Kòrsou pa vigilá tur kos.
E parti tristu ta
ku Helmin Wiels, luchadó pa independensha mester guli e intervenshon di Ulanda pa di dos biaha den 18 luna. Promé biaha
tabata komishon Rossemoller pa investigá integridat di nos gobernashon awor
AIVD esta siguridat di Ulanda mes ta drenta den nos sekretonan di estado pa manehá
i restrukturá servisio di siguridat. Pa
kolmo ta AIVD lo hasi e screening di kandidato di minister di Pueblo Soberano.
Anto minister di
Hustisia Kade Wilsoe di fundashon Fuerte i Outónomo tambe tin ku guli
intervenshon di Ulanda guli manda abou.
Tur esaki djis
pasobra nos tin un gobièrnu di ministernan ku no a pasa screening. Pues apesar
ku MFK, PS i MAN ta pidi pa stòp di papia di screening, e screening no ta kaba. Hasta PM Gerrit
Schotte a menshoná screening 10 biaha
den su diskurso den Staten; el a menshoná e memo di vdc tokante screening 13
biaha. Loke si ta un akto di kobardia ta ku a menshoná nòmber di Gumbs 10 biaha
pero sr. Schotte ta ninga di kita obligashon di sekresia (geheimhoudingsplicht) di sr. Gumbs pa e
tambe papia. Helmin Wiels a bisa ku e ta bini ku proposishon pa terminá leinan
di konsenso anto awor nan a haña un di seis lei di konsenso aserka anto pa
kolmo un lei di konsenso kruel pasobra Ulanda forsa sr. Schotte pa tum’é den un
sino fono.
PAR ta anunsiá
for di awor ku intervenshon di Ulanda den nos Banko Sentral tambe ta na
kaminda. E promé paso ta buta kaba pasobra Ulanda a anunsiá ku e no ta koperá
pa separá e banko sentral di Kòrsou i Sint Maarten.
PAR ta kontentu
ku e tópiko di screening no a muri i PM Schotte no por skonde mas tampoko
pasobra awor Ulanda ta den nos siguridat i e por kontrolá tur e biahanan straño
Schotte i su ministernan pa Haiti, Colombia;
Medio Oriente i freimentu ku Iran. Kartanan straño di minister di
Hustisia Kade Wilsoe tambe ta kai bou di kontròl di Ulanda.
Tristu ta ku e
promé minister hóben Gerrit Schotte a demostrá ku e no por, el a kibra nos VDC
di 50 aña i awor Ulanda a tuma over servisio di siguridat.
Omayra Leeflang
Bosero di PAR
Geen opmerkingen:
Een reactie posten