Gerrit Schotte ke hasi gobernador kómplise di violashon di konstitushon

                                                                                   25 sèptèmber 2012

E yamada di Gerrit Schotte na Gobernador pa no kumpli ku e moshon di mayoria di Parlamento ta un intento pa hasi gobernador kómplise na violashon di konstitushon. Pasobra artíkulo 29 insiso 2 di Areglo di Estado ta bisa bon kla ku un minister ku no tin konfiansa di mayoria di Parlamento mester retirá inmediatamente. Pues Gerrit Schotte i su ministernan mester a retirá for di 14 di sèptèmber. E echo ku nan no a retirá ainda ta mustra ku Gerrit Schotte i tur su ministernan ta violá areglo di estado. Gobernador no por partisipá den violashon di areglo di estado. P’esei korektamente gobernador mester kumpli ku e areglo di estado i firma retiru di Gerrit Schotte i su ministernan i nombra un gabinete interino. Loke Gerrit Schotte no ta komprondé ta ku for di 13 di sèptèmber ku un mayoria a firma un moshon di deskonfiansa, e no tin derechi ni outoridat di sinta mas komo promé minister ni tampoko su ministernan.

Helmin Wiels i Ivar Asjes tabata sa esaki. P’esei Ivar Ajes a sera Parlamento pa evitá ku ta bini un reunion públiko. Pasobra nan tabata sa ku momentu ku pasa un moshon di deskonfiansa e ministernan mester baha i Gobernador mester firma e retiru di e ministernan.

Loke Ivar Asjes no por a evitá ta ku e mayoria a reuní na un otro sitio i a aprobá e moshonnan ku voto di mayoria. Asina e 11 Parlamentario a skapa demokrasia na Kòrsou.  

Lástima ku tin ekspertonan ku a siña Gerrit Schotte hopi triki pero no a sine kon ta kumpli ku lei i regla den gobernashon.

Omayra Leeflang

Bosero di PAR